احبتي .. اهلا ومرحبا لحضوركم . فان قرأتم فقد غمرتموني بلطفكم. فان اضفتم وعلقتم فهذا من فائض كرمكم . وان على الرحيل عزمتم فلنا أمل بلقاءكم
(الرجاء المشاركة بالاستطلاع اسفل الصفحة)
بحث مخصص

الأحد، 22 يناير 2017

قلبي سألته ياقلب توسع اثنين ؟!

قلبي سألته ياقلب توسع اثنين ؟!
قال القلب دايم علومي وسيعه

انا مجهز لهن نصفين.. نصفين
لكل مكان ولي حصون منيعه

البيضا والسمرا ومابين.. مابين
من كل جنس وماحوته الوسيعه

بس واحد لي اهو سيد المزايين
لو وازنوه بكلهم ما ابيعه

هواللي له القلب يخفق من سنين
ادعج كحيل الطرف ياحلو ريقه

المعذره يازين ان كنت لاهين
هذا هو قلبي ومافيه حيله

قالت سألتك ياحبيبي من الحين
غض النظر مالك ومال الشنيعه

غض البصر شيمه ومن عروة الدين
والنظره سهم يجلب القلب ريعه

قلت القلب يهوى الرسايل من العين
تنبأه عيني عن زهور بديعه

مالي غنى عن شوف هالزين وهالزين
مما خلق ربي جمال الطبيعه

ثم الله حللي من اربع وثنتين
ليش اقنع بوحده ولو هي بديعه

قالت تمهل يا حبيب الملايين
اسمع كلامي واوزنه ثم طيعه

حنا النسا نعشق جمال المحبين
ماني بملاك لا ولا ني خنيعه

ومن قاصرات الطرف يذكرن بالعين
بكتاب ربي فيه آيه كريمه

ونساء هالدنيا ضعيفات يازين
وقلوبهن ماهي بتلك الحصينه

مردهن كلمه وزينه من الزين
تسبي العقول وثم تالي تطيعه

قلت اقصري طرفك ولك ماتريدين
هونت عن ذكر العلوم الجميله

من كيدهن تفنى شعوب وملايين
مالي ومال الكيد ماني بعديله

بقنع بوحده ..اقول يمكن بثنتين
والثالثه ماظنتي بالبعيده

والرابعه لا ..الا اذا جين
يطلبن ودي ماني باللي مضيعه